Ef til vill var það meint..
..En hvað verður nú,
þegar allt er breytt?
Svörin koma of seint.
Menn fá ýmist allt,
eða ekki neitt.

Það skyggir og skammt er nú að bíða..
Ég finn hvernig fjarar hratt og stöðugt undan mér.
Senn hnígur mín sól í hinsta sinn.

En hún mun rísa;
sú Sól, sem er upphafið og endir fyrir mér.
Hún mun skína skært.
Hún mun lýsa lengi vel.

Nú er núið og hér.
Ég er búinn við
og í friði fer.
Blíður vindurinn ber
vonarbænir þær
er ég sendi þér.

Að kveldi víst kemur sérhver dagur.
Hvert hljóð fellur síðar eða fyrr í þagnardá.
Senn hnígur mín sól í hinsta sinn.

En hún mun rísa;
sú Sól, sem er upphafið og endir fyrir mér.
Hún mun skína skært.
Hún mun lýsa lengi vel.

Blíður vindurinn ber
vonarbænir þær
er ég sendi þér.

bless...

Sigúrd...

Enn og aftur verður þetta stutt færsla þar sem ansi lítið er að gerast hjá mér þessa dagana...annað en að læra fyrir prófin í næstu viku. Ég er semsagt að fara í svokölluð Test 1, sem eru miðannarpróf á fyrri önninni. Prófað er úr öllu efninu sem við höfum farið í og svo farið yfir öll prófin og svo eru allir teknir í einstaklingsviðtöl til að ræða árangurinn og margt annað. Það verður bara gaman...

Eftir þessi próf förum við að fá "feedback" frá kennurunum. Feedback'ið er eiginlega bara hellingur af spurningum og dóti. T.d. úr Theory of Flight fáum við feedback upp á um 950 spurningar..hressandi. Ég er nú þegar kominn með úr Human Performance og eru það ekki nema um 450 spurningar...jei!

Þetta verður ekkert nema gaman.

Hérna eru samt nokkrar myndir fyrir forvitna...góða nótt.

Hérna er fallega eldhúsið okkar...

Hérna er fallega baðherbergið okkar. Með baði og alles...

Hérna er svo herbergið mitt. Ansi fínt bara...geggjað rúm! Thank God...

Hérna er svo hin hliðin á herberginu mínu.

Þetta tók ég svo út á "svölum" hjá okkur. Búum eiginlega á "göngugötunni" í Kidlington. Þarna eru slatti af verslunum og bönkum og matarbúðum o.s.frv. Margir pöbbar líka við endann á þessari götu. Hinumegin við götuna þarna í beygjunni er svo Supermarket sem sést ekki...hentugt

Þetta er svo beint hinumegin við götuna. Þarna eru take-away staðir og eitthvað fleira. Búðin með þessu rauða hérna lengst til hægri er líka áfengisbúð...skemmtilega tilviljun!

Þarna er svo Tesco...þarf að segja meira?!

Sigúrd...

Verð að skella inn einni línu hérna...djöfull er gaman að eiga myndavél...hehe

Ég er líka búinn að taka myndir af íbúðinni fyrir ykkur foreldrar og aðrir nærstaddir...kemur fljótlega!

Sigúrd...

Haldiði að maður sé ekki bara orðinn 21 árs gamall!! Það er ekkert annað...ellismellur. Takk takk...

Ég átti þetta helvíti fína afmæli...hef sjaldan verið jafn ánægður með það. Ég setti nýtt met og fékk alveg 5 afmælis SMS (minnir mig) og tvö símtöl frá foreldrunum. Svo stóð hún Debbie við loforðið sitt um að koma með köku handa mér. Ég fékk einnig kort sem flest allir í bekknum voru búnir að skrifa eitthvað á...mjög gaman.

Svo fór ég til London eftir skóla og fékk aðra köku þar frá Hröbbu og Sólu og Monty Python safnið með öllum myndunum og brotum úr þáttum...geðveikt. Verður að gaman að horfa á það TF-SSM

Svo var afmælispartý í gær, sameiginlega fyrir mig og Sólu sem á afmæli þann 30. okt. Það var asni gaman...mikið borðað og drukkið aðeins líka. Tvær vinkonur Hröbbu úr skólanum komu líka með kökur svo ég fékk allt í allt 4 afmæliskökur...híhí. En það vantaði samt kökuna frá ömmu...

Ég keypti mér einnig smá afmælisgjöf í gær...endaði í soltið meiri pening en ég áætlaði En ég á loksins alvöru digital myndavél...Canon Ixus850...geðveikt

Svo fór ég líka í klippingu í gær...er kominn með hermannaklippingu. Þá náðist þessa fína mynd af mér...hahahaha

Ég er nú samt venjulega ekki alveg svona ófríður...nálægt því samt.

Þetta er nú svona það flesta merkilega sem drifið hefur á daga mína undanfarið. Ég er reyndar fluttur inn í íbúðina í Oxford...hún er geðveik.
Við Addi héldum upp á það á fimmtudaginn og það endaði með ósköpum.  En það var samt mjög gaman...hehe

Later...

Sigúrd...

Rosalega eru margir farnir að fylgjast með mér hérna. Þetta er farið að stefna í heimsfrægð held ég bara...eða svona næstum. Allavega yfir 40 í dag. Einu sinni var ég heppinn ef ég náði 5 hérna inn á dag...og þar af var ég með 3 flettingar af þessum 5. En þá átti ég líka ekki svona gífurlega spennandi líf...hehe
Samt eru nú fá comment skilin eftir...en það er sennilega vegna þess að nær enginn getur kvittað á þessa blessðu síðu mína. Það verður þá bara að hafa það, annars má alltaf prófa gestabókina líka.
Orðið á götunni er að þetta sé örugglega aðeins skárra í Firefox...annars veit ég lítið um það. Spurning hvort að maður dundi sér við að færa sig fljótlega...hver veit.

En annars er allt að frétta...stóri dagurinn er á morgun...ekki giftingin sko heldur flutningurinn stóri. Ég er semsagt að fara að flytja í mína fyrstu íbúð.
Mér til mikillar undrunar þá er fyrsta íbúðin mín ekki staðsett á Íslandi og ég er EKKI að fara að flytja inn með kvenmanni...mér til mikillar mæðu. En svona er lífið víst...full of surprises. Þó að þetta sé ekki kvenmaður þá reddast þetta held ég þar sem við höfum nú tvö svefnherbergi og hann kann eitthvað að elda! múahaha...þá þarf ég að æfa mig minna. Eða svona...kemur allt saman í ljós.
Ég er allavega búinn að pakka og flyt út úr herberginu hérna fyrir skóla á morgun...jibbý

Svo er ég búinn að fara í tvö próf í vikunni. Fékk 87% í instruments prófi á mánudaginn. Það var alveg ágætt...vildi samt fá yfir 90%
Svo fór ég í örlítið Theory of flight próf í morgun og fékk 11 rétt af 12. Geðveikt...

Svo held ég líka til London á föstudaginn. Snemma mánaðar var búið að ákveða að halda svona sameiginlegt afmælispartý fyrir mig og hana Sólu. Gaman að því þar sem ég hef ekki haldið upp á afmælið mitt síðan ég fór í bíó með strákunum þegar ég varð 17 ára. Það var samt tæknilega séð kvöldið áður þar sem ég átti afmæli á sunnudegi. Svo var haldið upp á löggustöð og náð í skírteinið og rúntað aðeins í snjónum Magnað finnst ykkur ekki?

Ég stefni líka á að kaupa mér myndavél um helgina, fyrir afmælispeningana mína sko...það verður líka gaman. Ef ég missi mig alveg gæti verið að ég myndi kaupa mér nýja Flight Sim leikinn sem gjöf frá mér til mín, veit samt ekki alveg.

En jæja...þangað til næst, sem ég veit ekki hvenær verður. Þið msn vinir gætuð saknað mín eitthvað aðeins þar sem ég veit ekkert hvenær ég kem online aftur að kvöldi til svona er .lífið.

Sigúrd...

Ég flyt víst ekki fyrr en á fimmtudaginn svo að Langford Hall er vinur minn ennþá í smá tíma í viðbót...bömmer. En þetta er alveg að hafast.
Ég þarf víst að fara í bæinn á morgun og eyða miklum í þessa íbúð. Tryggingar og eitthvað vesen...en nóg um það.

Ég er búinn að finna draumastarfið fyrir ungan ævintýramann...allavega svona í 1 ár.
Hérna á Oxford flugvelli eru nefnilega staddar einar 3 appelsínugular (rauður) flugvélar sem eru í eigu British Antarctic Survey. Þeir semsagt stunda rannsóknir á suðurskautslandinu. Vélarnar koma heim einu sinni á ári og eru á suðurskautslandinu í 6 mánuði í einu að ég held. Ég fann heimasíðuna en hún virkar ekki http://www.antarctica.ac.uk/
En þetta hljómar sem mjög spennandi svona til að prófa einu sinni Maður fær líka að fljúga kannski Twin-Otter. Svona eins og FÍ notar á Íslandinu góða. Það eru semsagt tvær Otterar hérna og ein 4 hreyfla Dash vél.

Þeir taka 10 daga í að fljúga heim. Fljúga frá Suðurskautslandinu upp að S-Ameríku, upp austurströndina þar og hoppa svo yfir til Afríku, þar upp og til Spánar, yfir Frakkland og hingað til Oxford.
Þeir taka svon um 2 og hálfa viku í að fljúga niður aftur. Fara þá upp yfir Færeyjar og Ísland. Þaðan yfir til Nýfundnalands og þvert yfir N-Ameríku. Niður Mexíkó ogniður vestruströnd S-Ameríku og þaðan til Suðurskautslandsins aftur.

Töff stöff...

Þetta væri gaman allavega...eða þá bara EasyJet...kannski þægilegra?! hehe

Svo setti ég inn nýjar og skemmtilegar myndir á aðra myndasíðuna mína!

Svo verð ég 21 ára gamall á næsta föstudag...ætli ég finni eitt grátt? Find out...soon enough...

Ég fattaði líka þegar ég er kominn á bíl hve mikið ég saknaði þess að geta rúntað um og sungið með tónlist og svona. Þori ekkert að syngja hérna á vistinni. Greyið Addi þarf þá að fara að sætta sig við stanslaust gaul á næstunni...en hann heppinn!!

Sigúrd...

Ég ákvað að koma og taka það fram að ég flyt vonandi annað kvöld út úr þessu krummaskuði og ég veit því ekki hvernig internetstaðan mín verður á næstunni.

Svo að þið sem spjallið við mig á msn eða í gegnum e-mail eða eitthvað..það verður kannski eitthvað stopult á næstunni...kemur í ljós.

Annars bara 0044-7900658844 frá Íslandi eða 07900658844 frá Englandinu góða.

Skemmtið ykkur...

Sigúrd...

ps. í boði Jósa - VÁ! --> http://fjordurinn.com/?p=myndbond&sida=skoda&myndband_id=37

Ég er bara farinn að skrifa á hverjum degi...hvað er þetta...öss

Ég bara verð að skrifa hérna inn og monta mig aðeins Þó að í dag sé föstudagurinn 13. þá lét ég það ekki hafa nein áhrif á lífsgöngu mína og gerðist hinsvegar hugaðri en ég er venjulega...þó afar hugaður sé

Þannig er nefnilega mál með vexti að við Addi vorum að pæla í því að kauap bíl af henni Guðrúnu sem var að læra hérna. Hún skrapp til Frakklands fyrir viku og kom svo til baka í dag. Hún ætlaði þá að skutlast til Oxford með bílinn og fara aftur á Heathrow og taka IceAir heim.
Fluginu hennar frá Frakklandi var hinsvegar seinkað svo hún spurði hvort við gætum ekki bara komið og náð í bílinn...gert henni risagreiða.

Ég skellti mér því upp í rútu strax eftir skóla og skutlaðist á Heathrow og tók við bílnum og svona.
Svo var bara sett í gang og haldið af stað út í öfuga London umferðina.

Ég var nú búinn að prófa að keyra hérna í Oxford. Að kvöldi til í engri umferð í svona ca 5 mínútur...hehe Maður með reynslu bara...

En svona í alvörunni þá var þetta mun auðveldara en ég bjóst við. Guðrún mundi að maður átti að taka M25, M40 og A40 til að komast til Oxford. Með þær upplýsingar hélt ég af stað og vonaði það besta. Ég var fljótur að finna M25 en komst svo að því að það er bæði til M25(S) og M25(N). Ég tók norðurleiðina sem var auðvitað líka rétt...enda er Oxford svona rétt norðan við London...skarpur er ég! Svo var auðvitað bara að elta skiltin...enda er þetta gert ansi idiot proof.

Fyndið að vera að bruna á yfir 100km hraða á svona hraðbraut...gott bara. Allt beint og fínt. Engar hossur og engar blindhæðir.

Svo sá ég líka nokkrar flugvélar á Heathrow...sem er alltaf gaman. Ég sá t.d. mikið eftir því að hafa ekki nennt að drössla Sony vélinni minni með til að taka mynd af A340-600 vélinni sem ég sá...djöfull er hún flott...og stór..öss (sjá neðst)

Jæja, engar fleiri fréttir í bili. Nema það að ég mæli með Rescue Me þáttunum. Þvílík snilld...

Sigúrd...

Ég ætla nú ekki að hafa þetta langt núna svona rétt fyrir svefninn. Ég bara get ekki verið það leiðinlegur við ykkur núna...er svo svakalega hress.

En já...undur og stórmerki eru að gerast. Ég og Addi (og kærastan hans meira að segja líka, hún er í heimsókn sko) fórum og skoðuðum íbúð í dag og hún var bara tekin á staðnum...íbúðin semsagt. Þetta er hin fínasta íbúð beint í verslunarkjarnanum hérna í Kidlington. Tesco hinumegin við götuna og næstum því þar við hliðina á, einnig hinumegin við götuna er Supermarket.
Þarna er allt sem þarf til góðs lifnaðar...meira að segja uppþvottavél.

Svo gæti verið að við keyptum bíl líka. Hann kemur þá í bæinn á morgun.

Annars er allt gott að frétta. Ég er reyndar dauðþreyttur eftir vikuna...nóg að læra líka. En ég er samt ennþá mjög hress yfir þessu og alltaf jafn bjartsýnn náttúrulega. Þetta verður kökubiti í restina. Ég hlakka rosalega til að taka miðannarprófin núna 30. okt. Þá sér maður alveg hvar maður stendur í þessu öllu saman.

Later,
Sigúrd...

Life goes on... Ég er núna búinn að vera rúmar þrjár vikur í Englandinu...ótrúlegt. Áður en ég veit af verð ég kominn heim í mömmumat og jólamat og meiri mat og ég veit ekki hvað...mat mat mat...greiðslumat kannski bara líka. Ég er líka farinn að hugsa út í það hvort ég muni fitna á því að vera hérna úti...ef það gerist einhvertímann þá verður það hérna í útlandinu. Ég er alltaf að borða góðan og feitan mat, hef sjaldan á ævinni borðað jafn mikið. Borða alltaf tvær máltíðir á dag sem ég verð pakksaddur af og svo inn á milli annar viðbjóður og óþverri. Það verður hinsvegar bara að koma í ljós. Kannski kem ég heim sem Sigurður hinn feiti...hver veit.

Ég fékk mér allavega geggjað lasagna í kvöldmat Ég hefði hinsvegar kallað þetta kíló af bræddum osti með smá fitu og hvítlauksbraði. Svo voru auðvitað chips með þessu og smá salat sem skraut...hehe

Þetta var samt rosalega gott og allgjör slatti. Ég gat allavega ekki klárað það og hann Addi ekki heldur.

Við fórum í smá göngutúr í dag að leita að góðum bíl og fundum ekki neitt...kaupum kannski einn annan bíl sem við fáum þá á föstudaginn. Húsnæðisleitin er enn í gangi.

Mér finnst líka svo skrítið að fólk hafi haft áhyggjur af mér þegar ég fór út. Sumir héldu að ég myndi svelta í hel og aðrir héldu að ég kynni ekki að setja í þvottavél. haha...hlæ að þessu daglegu. Ótrúlegt hvað sumir þekkja mann lítið...og aðrir sem ég held að þekkji mann vel þekkja mann lítið...ef þið skiljið hvað ég er að fara með þessu. Maður verður orðinn svo heimsborgaralegur eftir árið að það hálfa væri meira en nóg. Búinn að búa í tveim löndum og skoða heilan andsk.... helling, þannig á lífið að vera.

En allavega. Ég fór með bekknum á djammið á seinasta fimmtudag. Ég ætlaði nú að vera rólegur og koma snemma heim enda skóli á föstudaginn. Það endaði hinsvegar í óhófi og ég var kominn upp í rúm um 3:30 minnir mig...blindfullur og allt á fleygiferð í herberginu Það hringsnerist semsagt allt.

Ég var samt gífurlega hress þegar ég mætti í skólann um 8:30. Svo fór líðanin svona aðeins að versna og var þynnkan við það að drepa mann um tíma...en það var svosem í lagi þar sem ég var alls ekki einn um það. Dauðinn sveimaði um... 
Þetta var mjög gaman allavega. Byrjuðu á því að hlaupa á milli bara þar sem þessir Bretar eru frekar vandlátir greinilega á konur. Sem mér finnst mjög skrítið þar sem mér finnst þeirra standard ekki hár. Hún Guðrún...svo íslenska...kom einmitt og heilsaði upp á okkur er við vorum með bekknum fyrir utan einn stað og ég hef sjaldan séð svona marga menn verða ástfangnir við fyrstu sín í einu. En það er svona að vera hávaxin og ljóshærð frá Íslandi...þarf ekki meira til. Reyndar held ég að þú þurfir einungis að vera kvenkyn...rosalegir gaurarnir hérna í Bretlandi.
En það var allavega rápað á milli og drukkið og spjallað sem endaði í vitleysu náttúrulega...samt mjög gaman. Hresst fólk með manni í bekk...

Hún Debbie tilkynnti mér einmitt í dag að hún ætli að baka handa mér tertu þegar ég á afmæli. Svo heimtaði hann Ed Ridley að við færum út og ég biði þeim öllum í glas...hehe Kemur í ljós hvernig það fer
En Helgi minn...kemur í ljós hvort að kakan hennar verði betri en þín kaka í fyrra!! Ég efast stórlega um það...hún þarf allavega að vera ansi góð hjá henni.
Ég er bara farinn að fá súkkulaði köku á hverju ári núna...og frá öðrum en ömmu semsagt. Amma gefur mér alltaf skúffuköku...namminamm

En já...ætli þetta sé ekki að vera nóg í bili. Skóli í fyrramálið og svona...

Eitt enn kannski...ég mæli sterklega með að allir sjá Wallace and Gromit: The haunt of the Were-rabbit minnig mig að hún heiti. Ég sá hana á föstudagskvöldið og var vel sáttur

Set hérna í lokin nokkrar myndir sem ég hef tekið á símann hérna í og hjá skólanum mínum. Ekkert klassamyndir en svona aðeins fyrir foreldrana og aðra nærstadda sem eiga eftir að koma í heimsókn og sjá þetta

Þarna er inngangurinn inn í skólann. Hægra megin í portinu er gengið inn í skólann og vinstra megin alveg á endanum er hornið á Starbucks staðnum. Er svona hægt að fá flest allt þar til að lifa af...svona matarlega séð.

Hérna er svo matsalurinn, eða lítill hluti af honum. Þarna eru sjálfsalarnir sem halda í mér lífi þessa dagana...hehe. Þarna eru líka eitthvað fólk sem er méð mér í bekk

Hérna er svo sólsetur þann 26. sept minnir mig. Rómó er þaggi? Hér í Oxford er nefnilega svo rómó....hvað annað?

En ég verð nú bara að rölta með video cameruna mína einn hring fljótlega og koma því á netið Heyrumst og kveðjur til allra bara.

Ég þakka henni móður minni fyrir góðan pakka í dag. Þá kemst maður fullklæddur í ræktina loksins Ég verð líka að hugsa mjög vel útpælda lygi fyrir morgundaginn. Héldu allir að ég væri að fá sent klámmynda safnið mitt að heiman. Verð allavega að geta logið að Debbie með það...stelpur eru nefnilega svo auðtrúa! haha...fæ örugglega slapp fyrir þetta comment.

En djöfull ætti ég rosalegt safn ef þetta væri klámmyndasafn...stór kassi sko. En nóg um það...kominn svefngalsi í mann....hehe

Sigúrd...

ps. Ég afsaka stafsetningarvillur...eða réttara sagt innsláttarvillur vona ég...er soltið þreyttur

...og já, gleymdi einu. Gunnar kallinn vill endilega að ég svari þessari vísu hans sem hann setti hér í commenti í seinustu færslu. Jæja...

Í Oxford eru gellurnar,
ef gellur má nú kalla!
Ég held ég fari í kellurnar,
og safni mér svo skalla!

Góða nótt og takk fyrir mig halelújahh!!

...djöfull sökka ég...just look at the time beibs...

Mikið að gerast bara Það er eiginlega alltof mikið að gerast hérna í Bretlandi...maður fær ekki tíma til að læra einu sinni. Ég þakka Guði fyrir að vera svona fluggáfaður og þess vegna get ég sleppt því að læra af og til hehe Skemmtilega orðað líka: FLUGgáfaður...öss

Það er nefnilega búið að skipuleggja smá "samþjapping" hjá bekknum í kvöld. Sú skipulagning fólst eiginlega í því að koma okkur saman um að taka sama strætó niður í bæ og finna einhvern pub eða club til að fara á og gera eitthvað skemmtilegt...það tók samt sinn tíma. Erum nefnilega ekki byrjuð í neinu planning eða navigation dóti ennþá...
En þetta verður vonandi gaman bara. Ætla nú samt ekki að skemmta mér of vel þar sem það er skóli á morgun. Ég var nú samt hinn hressasti í vinnunni í sept þegar ég fór á djammið og mætti svo kl 7:30 (kannski rétt rúmlega) í vinnuna og vann eins og brjálæðingur. Ég held hinsvegar að það sér erfiðara að vakna til að fara og sitja á rassinum Skemmtun í hófi bara...

Mér finnst smá ótrúlegt að ég sé hérna úti...er ekki enn búinn að ná því. En samt eru það orðnar 3 vikur eftir tvo daga  Tíminn flýgur þegar gaman er...og það var nefnilega ágætt í skólanum í dag Sérstaklega í Electronics tímanum...ég lifði það næstum því ekki af!!! hehe Ég var í einhverju stuði og svo var þetta bara fyndinn tíma...kennarinn, Derek Smith, reitti af sér brandarana alveg.

Ég byrjaði nú á því að hnerra svona einhvern veginn inn í mig, sem vakti mikla lukku. Út frá því fór ég í hálfgert hláturskast. Ég gat eiginlega ekkert jafnað mig á því því að alltaf komu nýir og nýir brandarar frá fólkinu og Derek...hehe Að læra um "magnetism" er ótrúlega skemmtilegt!

Hann Derek frétti allavega að við værum að fara út í kvöld og við buðum honum með...og það leiddi yfir í umræður um skort á dómgreind eftir svona 5 til 6 pints af bjór. Hann sagði okkur þá reynslusögu (sem er kannski ekki endilega sönn) um það þegar hann fór einu sinni heim með stelpu sem var kannski full þykk...eiginlega bara spikfeit. Svo þegar þau voru að byrja "klifraði hann um borð", eins og hann orðaði það. Eftir nokkrar mínútur spurði hann svo stelpuna hvort að hann mætti ekki slökkva ljósið. Það kom einhver dapur svipur á hana og hún spurði hvort að honum þætti hún vera ljót Hann neitaði því hinsvegar alfarið og sagði að það væri vegna þess að ljósaperan væri að brenna á honum rassinn!
Ég hélt ég myndi ekki lifa það af þegar hann var lýsa þessu fyrir okkur! Þetta var svona "had to be there" moment.

Ég er einmitt búinn að hlægja óþarflega mikið undanfarnar vikur...maginn minn er orðinn rock solid alveg...var það náttla fyrir en þið skiljið mig....haha
ÞAð byrjaði strax hjá Bobby þann 17. sept í pönnukökupartýinu...úff. Ég og London gellurnar erum náttla líka búin að hlægja eins og vitleysingar..fullmikið kannski. Eitt það skemmtilegasta sem maður gerir hérna í Oxford er líka að rekast á Huga kallinn. Hann er á námskeiðinu sem byrjaði í júlí...snillingur. Mest smitandi hlátur sem fyrirfinnst. Nýja mottóið mitt er "einn Hugi á dag, kemur lífinu í lag". Mikið til í því...

Svo gerðist nokkuð í dag sem ég hef beðið eftir síðan ég kom út...ég var beðinn um að kenna íslensk blótsyrði. Hún Debbie vildi fá að læra eitthvað skemmtilegt dónalegt á íslensku...en ég varð nú eiginlega orðlaus. Þurfti að finna eitthvað gott orð sem var móðgandi, helst stutt og ekki með "R" í því. Þetta fólk getur nefnilega ekki sagt R eins og við...bömmer.
Ég er greinilega með lélega blótsorðaforða. Mér finnst líka eins og íslendingar blóti nánast eingöngu á ensku...og noti þau orð eiginlega full frjálslega og í mjög mismunandi aðstæðum, ekki endilega blótsaðstæðum
En endilega...ef þið vitið um eitthvað gott stutt dónalegt orð sem auðvelt er að kenna útlendingum þá endilega segið mér!! Munið bara að það má ekki vera R í því og þess vegna er eitt 4 stafa orð útilokað. Það er náttúrulega annar erfiður stafur í því...

Svo var ég að setja nokkrar myndir inn á Fotki síðuna mína. Linkurinn er hérna til vinstri...ekki þessi með ensku myndunum! Þetta eru myndir frá því í vor/vetur þegar ég var að fljúga aðeins. Fallegar myndir á mjög fallegum degi.

Njótið...ég ætla að hoppa í sturtu og gera mig fínan...þýðir ekkert annað.

Sigúrd...

Rosalega er erfitt að vera í skóla!! Það er að rifjast upp fyrir mér hve erfitt er að sitja á rassinum allan daginn...hehe

En annars er lítið nýtt að frétta. Verð að fara að gera eitthvað í íbúðarmálum núna í okt. Ég ætla nú samt fyrst að finna mér bíl, er komin með augun á einn helvíti fínan. Æskudraum bara

Við fengum tvo nýja kennara í dag sem eru alveg jafn hressir og allir hinir...annar þeirra lék víst líka einhvertímann í klámmynd...obb obb bobb...
Maður er líka aðeins að átta sig á því hve miklir reynsluboltar þetta eru. Einn kennarinn vann víst fyrir Boeing t.d. og hannaði hjólabúnaðinn undir 747. Einn flugkennari sem hann Róbert nokkur er með er með 16.000 flugtíma að baki úr RAF (Royal Air Force) og flaug í einhverju stríðum. Einhverjir sem eru að kenna mér í bóklega eru líka komnir á eftirlaun úr RAF og flest allir með gífurlega reynslu að baki...alvöru stöff.

En svo fór ég í myndatöku í dag Smá gleði fyrir ættingjana og aðra áhangendur...hehe
Þangað til næsta bara...

Sigúrd...

Ætli maður setji ekki inn nokkrar línur hérna...friða lýðinn.

Styttist í að vika númer 2 fari að byrja og er það hið besta mál bara...bring 'it on suckers! Fyrsta vikan var ekkert svo rosaleg sem betur fer. Auðvitað nóg að læra og helling af efni en mest allt samt bara eiginlega upprifjun úr einkaflugmanninum. Þetta herðist núna með hverjum deginum sennilega.

Ég ætla líka að MUNA að láta taka mynd af mér í búningnum á morgun...lofa lofa lofa... hehe Ég veit að eftirvæntingarnar eru gífurlega...sem endar svo með vonbrigðum því að þetta er eiginlega bara hvít skyrta sko...haha

En veit einhver hérna venjulegan líftíma á köngulóm?!?! Ég kom hérna 16. september og ennþá hangir hann Þormóður á sama stað í vefnum sínum og bíður eftir flugum sem aldrei koma. Hann er líka pottþétt lifandi...ég checkaði á því sko... Skrítið...þolinmæðin í kappanum.

En á föstudagskvöldið fékk hann Addi þá hugmynd að hringja í félaga sinn hérna í Bretlandi. Það endaði svo á því að á laugardeginum um 20 leytið sátum við uppi í rútu á leið til London. Það var semsagt stemmt á smá sprell...sem hafðist alveg. Við Addi urðum reyndar viðskila þegar við komum á Oxford street og hittumst ekki aftur fyrr en í morgun...hehe. Þeir voru ekkert sérlega góðir í að leiðbeina manni til þeirra, tókst bara alls ekki. En það er allt í lagi...ég hafði það ágætt sko. Ég hitti klikkuðu Íslensku kellingarnar í London og kvöldið var bara helvíti gott.
Fyndið samt að fylgja Adda til London til að gera eitthvað með honum og gera svo ekki neitt. En hann lifði það svosem af...ég var meira sem fylgitík bara

Ég er samt orðinn svo geðveikt veraldvanur eitthvað. Ég rata eins og brjálæðingur í London og get sko alveg reddað mér einn...ótrúlegt!! The Worlds Most Amazing Video's bara.

En jæja...jump into my car...I wanna take you home!!

Vel mælt...

Sigúrd...

ps. Er svo ekki bara málið að skella sér á uppistand með Little Britain köllunum á afmælinu?! Það væri góð afmælisgjöf frá mér til mín...því að hver er jú betri að finna gjafir handa mér nema ég...
Ég vil samt taka það fram að ég afþakka gjafir frá öllum nema kannski mömmu og pabba...hehe
Hvað er hægt að gefa manninum sem á allt?! hehe
Djöfull er þetta langt ps...er það kannski of langt...hvað finnst þér?!
Djöfull spyr ég...spyr ég of mikið?!
Ég held hreinlega að svefnleysið sé farið að hafa áhrif á dómgreind mína...og sennilega stafsetningu líka...done